Scimago

Scimago Journal Rank and Country Rank

O SCImago Journal & Country Rank trátase dun portal que inclúe as revistas e os indicadores científicos de diferentes países a partir da información almacenada na  base de datos Scopus ( Elsevier ). Estes indicadores poden empregarse para avaliar e analizar os dominios científicos.

No portal atoparemos un ranking elaborado polo grupo de investigación SCIMAGO (Universidade de Granada) o Scimago Journal Rank  indicador baseado no algoritmo PageRank de Google, que ten en conta as publicacións científicas indexadas en Scopus e a visibilidade das mesmas.

De xeito similar ao Journal Citation Report (JCR) do Web of Science no SJR podemos visualizar o ranking das revistas por:

• Área de coñecemeno
• Categoría (dependente da área elixida)
• País

E en base a estes tres filtros poderemos ordenar os resultados polos indicadores seguintes:

• Indicador SJR
• Título
• Índice H
• Total de documentos
• Total de citas
• Documentos citables
• Citas por documento

A continuación amosamos unha busca realizada filtrando pola área de Matemáticas, país Spain, e listado ordeado por SJR:

Ademais de coñecer que lugar ocupa unha revista no ranking, podemos obter estudos máis detallados a través de diferentes consultas:

1. Country Search: Spain. Category: Mathematics
2. Journal Search: Revista Matematica Iberoamerican
3. Compare: Western Europe – Nort America; Mathematics
4. Map Generator: Spain

Scimago Journal Rank (SJR) ten carácter multidisciplinar e internacional. Ainda que a base de datos Scopus non é gratuita (non suscrita pola USC), sí é de acceso libre a plataforma de indicadores SCImago Journal & Country Rank, que inclúen os ranking por disciplinas elaborados a partir do SJR.

Aconsellamos aos investigadores que visiten este portal para coñecer cales son as revistas mellor posicionadas nunha determinada área, baseandose nun novo indicador, diferente ao coñecidísimo JCR e recollidas nunha base de datos (Scopus) que abrangue moitos máis títulos que as bases de datos do ISI.