Matemáticas

This tag is associated with 12 posts

Curso sobre como usar os recursos da Biblioteca


Comezamos o novo curso e vos ofrecemos un curso para toda a carreira!

Temos visto que alumnos que estaban a piques de rematar os seus estudos universitarios non coñecían moitos dos recursos dos que dispón a Biblioteca Universitaria. Para evitar que isto ocorra empezamos en primeiro de grao ofertándovos este curso moi básico pero imprescindible como estudantes. Trataremos temas como o uso das salas, o préstamo de libros, cómo localizar fondos bibliográficos, bibliografías recomendadas,etc.

Ademais  convocaranse  cursos online sobre Competencias Informacionais e outros específicos para TFGs e masters nos vindeiros anos.

VÉMONOS!!!!

 

sistematitorial_seminario_busc

Os Simpson e as matemáticas


Saudando xa de fronte ás vacacións, retomamos o blog cunha nova moi animada.

simpson 1Marta Martín Sierra e Abel Martín Álvarez, da Facultade de Matemáticas da Universidade de Oviedo, atoparon na serie estadounidense “The Simpson” un método ameno e efectivo para ensinar a disciplina en centros escolares de Asturias. Non é de estrañar tendo en conta que varios dos guionistas da famosa producción de Matt Groening son licenciados en Matemáticas e Física pola prestixiosa Universidade de Harvard. Así é como J. Stewart Burns, Al Jean, Ken Keler, David X. Cohen e Jeff Westbrook aproveitaron os seus coñecementos académicos para dotar de contido “numérico” as delirantes historias de Hommer, Marge, Bart, Lisa e Maggie, entre outros.

Xa o escritor e físico británico Simon Singh se encargara de facer un repaso polos momentos matemáticos ocorridos en Springfield no seu libro The Simpson and their Mathematical Secrets. A continuación un par deles:

simpson 2Corría o ano 1993 cando Hommer visualizou (nunca mellor dito) na casa do señor Burns un dos enunciados máis coñecidos no cálculo de probabilidades: “Se un millón de monos teclearan ao azar nun millón de máquinas de escribir, ao cabo dun millón de anos terían escrito todos os libros do British Museum”. Foi Arthur Eddington quen a finais dos anos vinte do século pasado escribiu tal afirmación no seu libro The Nature of the Physical World, premisa que ilustra o feito de que baixo determinados niveis de probabilidade, o termo improbable equivale a imposible.

simpson 3

O premio Nobel de Física Richard Feynman calificou como “a fórmula máis notable da matemática” a identidade de Euler, que relaciona os cinco números máis empregados nesta ciencia: o número e, o número pi, o número i, o 0 e o 1. Esta identidade, exposta polo matemático e físico suizo Leonhard Euler en 1748, aparece referenciada en numerosos capítulos dos Simpson. Un par de exemplos: cando Hommer viaxa a unha terceira dimensión tentando fuxir das súas cuñadas Selma e Patty, aparece rodeado de distintas fórmulas, unha delas é a identidade de Euler. Esta ecuación tamén se observa no lombo dun libro no episodio no que Lisa entrena a unha equipa de béisbol.

Baseado nunha noticia publicada no diario El País o 02/05/2015.

ArXiv: repositorio de artigos de investigación


ArxivEn  Agosto de 1991 comezou  arXiv.org (previamente xxx.lanl.gov) como un arquivo electrónico para  artigos de investigación. Nun primeiro momento soamente era  un arquivo para borradores de física e posteriormente ampliouse para incluír astronomía, matemáticas, informática, ciencia non lineal, bioloxía cuantitativa e mais recentemente estatística. Pódese dicir que ArXiv é un repositorio aberto e moderado para artigos de investigación nas disciplinas antes mencionadas.

ArXiv  está aloxado e administrado pola Universidad Cornell, con espellos en todo o mundo. Cambiou o seu  nome e dirección por arXiv.org  en 1999 para darlle unha maior flexibilidade.  Conta cun ArXiv Scientific Advisory Board e o ArXiv Sustainability Advisory Group que proporcionan unha guía e apoio na súa labor,  así como a axuda de numerosos colaboradores das diferentes disciplinas.

Neste senso, ArXiv non está revisado por pares senón que os documentos  entregados son revisados por expertos que verifican que son contribucións científicas e seguen os estándares da comunicación científica. ArXiv reservase o dereito de rexeitar ou reclasificar os artigos entregados, pero a maior responsabilidade recae sobre o autor xa que só se rexeitan por problemas moi evidentes ao ser un repositorio. Permítense subir diferentes versións revisadas do artigo pero sempre mantendo as anteriores.

Ademais de subir os artigos a este repositorio a maioría dos autores envía os  e-prints ás revistas científicas para que sexan publicados polo método tradiccional.

Como arquivo electrónico ArXiv comprométese a proporcionar acceso permanente aos documentos nel publicados. Isto conséguese, en parte, co control do tipo de arquivos cargados. Os artigos pódense enviar en varios formatos, incluído  LaTex, Postscrit, Pdf e HTML. No caso de LaTeX, débense enviar todos os arquivos para producir o texto, en particular a súa fonte e os das ilustracións. O envío e rexeitado si o software que xera o PDF final falla, si hai algunha imaxe demasiado grande, ou si o tamaño final despois da compresión e demasiado grande. Os límites de tamaño son bastante pequenos e as veces hai que converter as imaxes en arquivos máis pequenos.

Para enviar os artigos requírese que o autor estea rexistrado como usuario, aínda que non é necesario rexistrarse para poder navegar polo repositorio.

En moitos campos das matemáticas e da física, case todos os artigos científicos se colocan en arXiv. En 2010, arXiv.org almacenaba máis de 617.767 documentos o que supón que miles deles sexan engadidos cada mes.

Obras na biblioteca: peche de servizos, excepto o préstamo.


C5Exth51TQRuKzjp_jkth1ubX7h-HKzFdtCDTSed8ao

 A partir do 11 de xullo e debido as obras no depósito da biblioteca da nosa facultade, vémonos na obriga de pechar todos os servizos excepto o préstamo de libros e os  traballos internos.  A biblioteca só  estará  aberta no horario de mañá de 9:00 a 14.30h . As obras están destinadas a suprimir a parte superior do depósito (para garantir unha maior seguridade)  e unha nova redistribución dos estantes de abaixo. Todo o  persoal que atende a sala estará sacando e volvendo a recolocar o fondo completo de revistas.  Tanto o préstamo de libros como os traballos de xestión continuarán funcionando, aínda que sempre estarán condicionados pola actividade de reorganizar a hemeroteca, xa que está previsto que como moi tarde a biblioteca estea con actividade normal a partir do 1 de setembro.

Disculpen as molestias!.

QR

Horarios

Facultade de Matemáticas USC

BUSCa no catálogo

Bibliografía Recomendada das asignaturas