Biblioteca

This category contains 49 posts

Seminario da Biblioteca para o alumnado de 1º de Grao na Facultade de Matemáticas.


Benvidos á Biblioteca da Facultade de Matemáticas !

 

A biblioteca ofrécevos este ano un seminario formativo sobre os  recursos  que podedes  atopar  nela. Será un momento para que coñezades os tipos de libros que ten a biblioteca, os que son de alumnos e os que son de investigación, os libros electrónicos,  o número de libros que podedes levarvos en préstamo, como renovalos e como reservar os que necesitades e están prestados.  Ademáis os explicaremos como se localizan os libros no catálogo, nas bibliografías recomendadas das materias e as nosas redes sociais: o Blog da biblioteca e Pinterest.

Neste encontro podedes ver que a biblioteca é un servizo que está moi cerca de vos e que os ofrece, ademais de salas de estudo,  un punto de información moi importante de cara a vosa formación.

 

 Un punto importante neste seminario será a descripción e inscripción do Curso en liña sobre Competencias en Información. Nivel Básico que este ano se presenta no primeiro cuadrimestre do ano académico. Este curso está dirixido principalmente aos alumnos dos primeiros anos de grao aínda que caaquera alumno matriculado na  Facultade de Matemáticas poderá acceder a el. Este curso ten recoñecido un crédito.

 

 

Advertisements

MatHex, xogo de estratexia onde o coñecemento é a arma


 

 

 

 

 

 

 

 

Un equipo de docentes do Departamento de Matemáticas da USC, coa colaboración de profesorado de educación secundaria, acaba de pór en rede a versión beta (en castelán) do xogo gratuíto MatHex (https://mathex.games), que ten como obxectivo achegar a ciencia a todo tipo de público, combinando estratexia e coñecementos.

A base do videoxogo é un taboleiro formado por hexágonos inspirado no clásico xogo de mesa HEX creado polos matemáticos John Nash e Piet Hein, que se presenta combinado con preguntas. A versión beta, que en futuras edicións irá ampliando a base de preguntas, presenta cinco niveis de dificultade, incluíndo un especial para nenos e nenas de 7 a 10 anos. Polo de agora están activos os modos de xogo ‘Persoa contra Persoa’, e ‘persoa contra máquina’, hai máquinas con tres niveis de destreza. Proximamente poñerase en marcha o modo ‘en liña’, para xogar con opoñentes a distancia

MatHex, que conta con financiamento da Fundación Española para a Ciencia e aTecnoloxía (FECYT) do Ministerio de Ciencia, Innovación e Universidades, presenta a vantaxe de que non ocupa espazo no dispositivo xa que non necesita instalación; xógase dende o navegador web da computadora ou da tablet.

Nestes momentos o que buscan é a maior participación posible para poder mellorar a versión beta e ir avanzando no programa definitivo. Como explica unha das súas creadoras, a profesora Elena Vázquez Abal, “temos intención de que o xogo se poida usar tamén nas aulas, onde o profesorado poderá incluír o seu conxunto de preguntas e xogar co alumnado da clase. Ademais, neste curso contamos con ter unha versión en galego.”.

MatHex é froito dos docentes Elena Vázquez Abal, José Carlos Díaz Ramos, Esteban Calviño Louzao e Víctor Sanmartín López, membros do grupo de innovación docente GrID-A/ XD da USC. Ademais, contaron coa colaboración de CHOCOSOFT no desenvolvemento e programación do xogo e de ADUMBRO no deseño gráfico e da interface.

Web: https://mathex.games
Mail: info@mathex.games
Facebook: https://www.facebook.com/Mathex.games/

 

 

Curso en liña sobre Competencias en Información: desde o 29 de xaneiro ata o 15 de febreiro está aberto o prazo de inscrición para todo o alumnado de Grao en Matemáticas


 

Incorporación da Colección Histórica de Matemáticas e Estatística aos ebooks de Springer


 
O investimento dos proxectos de investigación da facultade fixo posible, un ano máis, o aumento da colección de libros electrónicos de matemáticas e estatística da editorial Springer.
 
Conxuntamente, a compra deste ano e a do ano anterior supoñen o acceso a máis de 11.372 títulos coas seguintes características:    
 
  • Acceso perpetuo á colección histórica da editorial (abrangue o período 1929-1989) e aos ebooks publicados nos anos 2017 e 2018 na área de matemáticas e estatística.
  • Acceso temporal ata novembro de 2019 aos libros electrónicos da editorial na nosa área publicados no período 2010-2016.
 
Este é o link que leva directamente aos ebooks:
 https://goo.gl/g8ZtJD

QR

Horarios

Facultade de Matemáticas USC

BUSCa no catálogo

Bibliografía Recomendada das asignaturas

Advertisements